農產名物種植交流會 －節瓜

酈氏農場位於上水蕉徑，農夫唐生專研種植節瓜十幾年，每一隻節瓜有手臂咁大，表面佈滿銀色絨毛，質量保持超水準。每年下種前就已經有人認購，非常受歡迎。

唐生係一個講求科學、追求完美嘅農夫。為種出市場罕有嘅早水節瓜，佢研究培苗保溫系統，透過調節細微溫度變化，讓幼苗能夠順利抵禦寒流，4月就可收成第一批節瓜。

唐生對於細節要求嚴謹，分苗時要把握準確嘅溫度及濕度、落肥料更有一套黃金比例、搭竹棚則要計算力學及風阻以確保結構穩固、防治瓜果蠅有一套物理防治攻略，採摘節瓜亦有自創手法等等，每個細節均一絲不苟。