農產名物種種交流會－荷塘芥蘭

上水華山既荷塘芥蘭，曾經係香港非常出名既農產名物！周伯被人稱為荷塘芥蘭王，每年冬天都會係華山出產高質素既荷塘芥蘭，莖粗而皮脆內軟，爽脆清甜，深受客人喜愛。

靚菜背後當然有原因，其實周伯係一位擅長管理同規劃既農夫，佢對於下種時間、苗期多長、如何預備田壢、落肥技巧、收割時間等都有自己一套方法。

更重要既係，依家種荷塘芥蘭既人愈來愈少，周伯堅持每年留種，希望地方種可以繼續留傳落。
佢對於留種非常講究，除左細心挑選外，亦會替芥蘭「摘花尾」，令種子成熟度較一致，減低日後每棵芥蘭之間的生長時間差異，非常仔細。